2010北海道10天自駕遊(修訂版)D2-7地球岬篇

Hello !

上回講到完成 "登別" 既行程 , 

其實果度仲有個 "忍者村" 未去 ,不過都係留番下次先 , 

俾個理由下次再黎過嘛 .  ^^

之後往 "室蘭" 方向進發 , 沿住36號國道一直行 , (唔駛上高速)

話咁快就到 , 之前都有講過 , "室蘭" 呢度有八景 , 

不過都好難去得晒 , 所以用 "地球岬" 黎做膽 , 

再拖其他幾個景點 , 都係果句啦 , 俾機會下次翻炒 .

呢度仲係 "登別" 地帶 . (四野無人 , 我鍾意)

沿途都有微雨 , 浪費晒我一番心機洗車 .

(一落雨架車好易污糟辣撻 , 尤其係白色車)

差唔多進入 "室蘭" 地帶 . (停緊燈位 , 唔係塞車)

果陣落微雨 , 地濕濕咁 , 小心駕駛 , 唔好開咁快 .

有個沙灘嚮度 , 停低影相先 .

今次既行程 , 大部份都係沿住海邊黎行 , 

類似呢D "海灘" 或者 "石灘" , 周不時都會見到 .

若然在現場睇 , 再聽埋海浪聲 , 靚好多架 .

經過九曲十三灣之後 , 終於黎到 "地球岬" 停車場 ,

擺低部車就可以落車影相 . (檔口有燒扇貝 , 不過幾貴)

室蘭觀光案內圖 .

ロータリー広場 .

呢個電話亭 , 都要用個地球圖案黎包住 , 

果然充滿地球 Feel .

各位觀眾 , "地球岬" .

地球岬燈塔 .

好彩依家冇落雨咋 . (否則要擔遮影相 , 勁冇癮)

行上去睇睇先 .

地球岬簡介 .

望番落停車場 , 入座率唔高 .

 .

有個鐘既擺設 .

當日天氣認真麻麻 . (不過冇落雨都偷笑)

燈塔個景都唔錯 .

呢類海邊亂石堆 , 我至鍾意睇 , 如果有得落埋去就仲正 .

唔好意思 , 借戴眼鏡果位姐姐黎做 Model .

間白色類似教堂物體 , 其實係洗手間黎架 .

Bye Bye !