Hello !
上回講到參觀完 "余市威士忌酒廠" , 跟住去 "積丹半島" ,
又見沿海路線 , 早兩日沿海感覺又返番晒黎 ,
行隧道時開車頭燈 , 出隧道時關燈 , 好過癮架 . ^^
行了大約半小時 , 經過呢度停低影相先 .
呢舊石有晒典故 , 不過睇唔明 ?
好似同犬有關 , 唔知係咪呢 ?
隔離仲有個 "慰靈碑" .
果陣海邊風高浪急 .
D浪打埋岸邊 , 再加埋浪聲 , 好有氣勢呀 .
再行多半個小時 , 終於到步 , 水中展望船 , 右邊丫唔該 .
周邊地圖一張 .
"本日運航中止" 見到呢個牌 , 當堂涼一截 , Why ?
荒天の為 , 運航中止 . (駛唔駛咁文雅呀?)
之後用Excite黎翻譯 "荒天の為" 即係 "因為暴風雨的天氣" .
一場黎到 , 點都行入去睇睇 , 當時個職員睇緊書 ,
都冇乜點理我 , 反而隻貓可能感受到我果種 "悲痛莫名"既心情 ,
所以顯得 "愁眉不展" . 唉 ~ 算啦 , 就當俾個理由自己下次再黎過 ,
不過天氣既野 , 真係話唔埋 , 究竟乜野月份黎先至會風和日麗 ?
P.S. : 2012年自駕遊 , 終於都上到船 !
其實出發前 , 對呢一個景點 , 可以話係 "寄望甚殷" ,
甚至連 "洞爺湖觀光船" 都可以放棄 ,
點知攪成咁 , 真係有D心有不甘 .
本來呢度應該坐滿晒等候上船既乘客 .
唔係坐呢種船 , 只不過順便影埋咋 .
見過Blog友既網誌 , 隻船應該泊在呢個位 .
終於諗到另一個節目 , 橫掂都係出海餵海鷗 ,
不如就碼頭邊餵海鷗啦 , 仲有烏鴉黎助慶添 ,
烏鴉會唔會出海跟住D船黎飛既呢 ?
結果用上篇話果D芝麻餅餵佢地 , 好快就食晒 ,
跟住去便利店果度買兩袋方包 ,
自己食D又餵D , 都好開心架 .
大家有冇留意呢隻海鷗同其他有乜唔同 ?
除對翼多D野之外 , 仲有D野唔同 .
就係對腳黃色架 , 其他對腳粉紅色 .
究竟點解會咁既 ? 同性別有冇關呢 ? 有冇人知點解 ?
餵晒D野就鬆人 , 以佢地既食量 ,
就算買多10袋方包都唔夠佢地食呀 . haha ...
離開後行多45分鐘車 , 到達下一個景點 .
呢個地方就犀利咯 , 叫做 : "島武意海岸" .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~