2011北海道10天雪地自駕遊(修訂版)D2-4稚內ANA酒店房篇

Hello !

上回講到在 "野寒布岬" 影完黃昏相 , 跟住上車往酒店 .

果度離酒店好近 , 兼且仲有街燈 , 所以即使天黑都冇乜太大問題 .

今晚酒店住 "稚內ANA全日空酒店" , 

呢間同尋晚果間 "Hotel Gracery" 都係套餐包埋 , 

到聽晚 "紋別" 就要自己Book , 登記好後就上房 .

NO. 708 號房 .

介紹埋間房先出去食飯 , 唔講唔知 , 呢間雖然係單人房 ,

但係比 "札幌" 既單人房大 , (可能唔同地區)

雖然只係住一晚 , 不過空間感對我黎講都好重要 . 

右手邊係洗手間 .

一轉身 , 參觀個大廳先 .

  

一張大床 , 仲有好多空間剩 .

  

好闊落既呢 .  ^^

輪到洗手間 .

基本設備齊備 , 應該有既野都有 .

安頓好行李之後就出去食飯 , 目的地係 "稚內副港市場" , 

睇Google地圖果陣 , 覺得離酒店好近 , 行一陣就到 , 

誰不知原來都幾遠 , 行極都唔到既 ? 加上天寒地凍 , 

行了一半就後悔 , 點解唔坐車呢 ? 好凍呀 .

經過 "北市場及夢廣場" .

對面馬路就係 , 不過好似收晒檔咁款 .

幾經艱辛 , 終於到達 . 停車場大把位 , 後悔感更加強烈 ,

大家記住 , 如果有車既話 , 幾大都要坐車去 , 否則行都行到腳軟 .

副港市場 . (充滿懷舊Feel )

港之湯 , 除上篇經過既 "童夢" 外 , 呢度都有溫泉浸 ,

不過遲D都有得浸 , 所以冇幫襯 .

繼續四處參觀 .

  

宗谷岬 與 俄羅斯 海峽 .

  

波止場橫丁 .

當晚好似冇乜胃口 , 所以都冇幫襯餐廳 , 

求其去便利店買D野返酒店食算數 .

最後一擊 , 影完都差唔多 , 返去咯 .

路牌除日文之外 , 仲有俄羅斯文 ,

因為呢度距離 "俄羅斯" , 只係一海之隔 .

跟住經過便利店入貨 , 再急速返回酒店 ,

買個奶油蛋卷 , 士多啤梨味 .

北海道牛奶 .

當然唔小得生果啦 , 食蕉 ~ 夠晒方便 .

見到 "七味粉" , 順便買埋 , 唔錯架 .

ETC咭一張 , 有佢既話 , 上IC慳好多 .

信用咭既Size .

Bye Bye !