2011/07/27

2011北海道10天雪地自駕遊(修訂版)D4-5紋別海豹公園篇




Hello !


上回講到離開 "流冰科學館" 之後即刻轉場 , 

往 オホーツクとっかりセンター , 中文叫做 : 紋別海豹園 , 

呢度地方細細 , 不過D主角 "海豹" 好得意架 .

訓練員教到佢地乜都得咁滯 .

由 "流冰科學館" 去果度 , 只需3幾分鐘車程 . (可能唔駛添)

前面就係 .

  
停車場在隔離 , 免費任泊 .

  
唔駛心急 , 擺好部車先 .


入口 , 大人每位 200Yen .


有D似地鐵閘口 , 咁都得 ?


一日五回餵飼時間 . (第一回 A.M.10:30)


唔上水池住 , 睇下面先 .


Wow ! 好快 , 差D影唔切 .


呢張係 "海豹" 成員逐隻介紹 , 隻隻都大有名堂 .


話雖如此 , 我睇落去就隻隻都一樣樣 .  ^_^ !!


睇完下面上上層水池 , 池面都有D流冰 .


隻隻都眼望望咁款 , 唔通有野食 ?


嘩 ~ 水花四濺 , 好勁 ! 


"海豹" 介紹 , 每隻体長 2-2.5m , 体重 250-300kg .


隔離有隻 "破冰船" 停泊 , 個電鑽真係有型 .

  
我到場時只係 A.M.10:05 仲有排至到餵飼時間 , 

不過佢見我一個人包場玩 , 冇理由要我白白等餐飽既 , 

結果佢提早餵飼俾我睇 , 認真俾面 , 唔該晒 !

血盤大口 . haha ... 


在訓練員領導下 , 佢地識得玩好多花式 ,

好似 "碌地沙" ~ "拍手" 等等 ...


最攪野係有一招 , 個訓練員叫我隊塊面過去 ,

佢叫隻 "海豹" 咀埋黎 , 真係咀過黎架 .

結果俾隻 "海豹" 咀一啖 , 攪到塊面濕晒 .  XD


跟住個訓練員又叫我摸摸佢地 , 層皮好厚 ,

唔怪得在冰水裡面都頂得順 , 而且仲滑潺潺 , 夠晒跣水 .

個樣笑口噬噬 , 超爆笑 !

  
見到佢地 , 又帶出一個問題 , 就係自由還是安定重要 ?

呢度包食包住 , 不過就冇自由 , 外面自由自在 , 

但係就危機四伏 ,樣樣都要執生 , 否則性命不保 ,

如果有得俾佢地揀 , 唔知佢地揀邊樣呢 ?


食夠返落水池 , 行路好似條蟲咁款 , 勁過癮 .  ^^

  
仲有冇魚呀 ? (設計對白)


跣番落水池 .

  
攪掂個 "海豹園" , 又去下一站 , 今日好多行程 .


下一站係 : 氷海展望塔 オホーツクタワー

Bye Bye !.

沒有留言:

發佈留言

歡迎光臨 , 如果時間許可 , 請留番個言丫 ~