2012北海道10天霧地自駕遊(修訂版)D6-12厚岸道の駅BBQ篇B

Hello !

上回講到在 "厚岸" 道の駅裡面揀蠔 , 呢篇繼續 .

左揀右揀過癮架 , 揀好計數俾埋錢就入去做野 .

首先放左幾隻蠔落去 , 之後再放其他 .

等待中 ...

諗落都係唔多妥 .

不如一齊上啦 .  ^^

有野食 , 冇野飲又點得呢 ? 如果唔係之後仲要開車 , 

肯定會叫啤酒黎飲大佢 , 不過可樂都唔差 , 頂住檔啦 .

同佢叫可樂果陣 , 佢話一杯就200Yen , "放題" 任飲就400Yen 

咁就唔駛諗 , 一於黎個 "放題" 式任飲 . Yeah !

(飲完自己出去再斟過 , 夠晒自助)

我份人一向人出本 , 我出命 , 當日都唔記得飲左幾多杯 , 

總之點計都有賺 , 仲有 , 果陣都未知原來果度既份量都幾多 ,

睇落就唔多起眼 , 再加埋勁飲汽水 , 正式係越食越飽 ,

唯有慢慢食啦 , 雖然就飽左D , 不過真係好過癮 .

有機會黎 "厚岸" 既話 , 記得黎呢個 "道の駅" 整番餐 , 

包冇介紹錯 . (記得落埋藍色蓋果支醬汁 , 好正架)

雖然唔識睇 , 不過我諗都係介紹呢度盛產蠔掛 ?

好飽呀 !! (正式係眼闊肚窄 , 經常都係咁)  ^_^ !!

~~~~~~~~~~~~~~~~~~~~~~~~~~~~~~~~~~~~~~~~~~~~~~

食飽之後落樓下再參觀 .

總合觀光案內 .

蓋章處 . (仲有D旅遊資料)

大堂有部電腦俾人上網用 , 呢個 "道の駅" , 夠晒體貼 , 滿分 !

早日在 "根室" 酒店既電腦 , 知道 "車仔" 擊敗 "巴塞" 殺入總決賽 .

不過未知對手將會係邊隊 , 原來對手係 "拜仁" , 當堂輕鬆左D ,

感覺上 "皇馬" 勁過 "拜仁" , 下意識覺得 "車仔" 今次有運行 .

(結果真係有運行 , 首次奪得歐聯冠軍 , 恭喜晒)

另外 Check 埋 "車仔" 點樣贏 , 

原來係 "費托" 幫佢埋單 , 簡直係完美勝利 .

P.S.: 雖然我人在 "北海道" , 不過 "英超" 及 "歐聯" , 始終令我心掛掛 , 

唔知 "車仔" 點環境 ? 下次都係咪咁老襯 , 倘若有幸再出門 , 

都等 "英超" & "歐聯" 球季結束 , 咁先至去得了無牽掛 , 

所謂 : 放下自在 , 講就容易唶 .  >_< !!

始終都係公家電腦 , 唔適宜霸住黎用 , 攪掂就出外面行 , 

門口有 "酒蒸蠔" 推介 , 正喎 ~ 食完算唔算醉駕先 ?

CONCHIGLIE , 唔通係呢度個名 ?

呢個 "道の駅" 都算利害 , 居然有D咁正既餐廳 . 

正式係靠山食山 , 靠海食海 , 靠蠔食蠔 . Yeah !!

外觀亦都唔錯 .

厚岸道立自然公園 .

外圍依然好大霧 .

食完呢餐心情大好 , 大霧都影響唔到我 .  XD

影完相都抖夠 , 去埋個洗手間就可以上車 .

Bye Bye !

再一次P.S. : 剛才果餐 BBQ , 連炭火 & 飲品加埋 , 

總數 5050Yen , 雖然貴左D , 不過物有所值 , 

淨係食左幾近兩粒鐘 , 都算過足癮啦 .