2012/10/23

2012北海道10天霧地自駕遊(修訂版)D6-5淚岬&立岩篇




Hello !


上回講到參觀完 "琵琶瀨展望台" , 呢篇繼續 .

今次呢個地方 , 一次過可以參觀兩個景點 . 

一邊叫做 "淚岬" , 另一邊叫做 "立岩" , 講開呢度就犀利咯 ,

話說果日參觀完之後上車準備離開 , 突然發現頭髮有水滴落黎 .

Why ? 原來D霧氣加上強風 , 吹到我個頭好似洗完未抹乾咁 ,

要即刻去車尾箱個篋度 , 拎條毛巾抹乾個頭 , 真係誇張到暈 .

先影張水牌 , 左手邊 "立岩" , 右手邊 "淚岬" .


如果識得日文 , 可以知道呢兩處既由來 .


車馬等乘 , 唔通有馬車坐 ? 不過四圍一個人都唔見 .


車停外面 , 人就由此路進 .


一條直路加大霧 , 又玩 SILENT HILL ?

唔好有怪物走出黎就得喇 . haha ...


行了3分鐘 , 見到呢個路牌 . 

淚岬 290m 5分 , 立岩 450m 7分 .


先去 "淚岬" , 沿住木梯行落去 , 小心D , 加埋露水 , 好跣架 .


Wow , 好正呀 ! 可惜俾霧氣包圍 , 淨係聽到浪聲 .


好似俾人劈開左兩邊 , 勁 .


左手邊係大草原 .


右手邊係懸崖 .


成個 "大裂谷" .


睇過其他網頁介紹呢度 , 

好天氣配合綠草如茵 , 真係冇得彈 .


立入禁止 .


差唔多到盡頭 .


再行就跌落海 .  ^^


係時候完路折返 .


唔講唔知 , 果陣真係好大風 .


上番木梯 .


再影多張呢度 .


雖然淨係聽到海浪聲 .


不過感覺好正 .


"淚岬" 就係咁多先 .


去番頭先路牌度再去 "立岩" .


又要講番D心路歷程 , 由路牌去 "立岩" , 

雖然只係一條7分鐘既直路 , 不過由於四野無人 , 

加上強風&大霧 , 好似行極都未到咁 , 真係有小小驚架 .


呢度就係 "立岩" , 只係睇到DD海邊 .


其餘被大霧所包圍 .


真係可惜 .


Bye Bye !

沒有留言:

發佈留言

歡迎光臨 , 如果時間許可 , 請留番個言丫 ~