Hello !
今日頭條 : 日本一身價暴跌九成半 ...
一年容易 , 今年既日本一又黎過 , 由於冇 "板前壽司"
鄭威濤參與競投 , 唔駛炒到貴一貴 , 所以價位暴跌九成半 ,
以736萬日圓成交 , 而成功投標者 , 亦係上年既奪標者 .
就係喜代村集團社長 "木村清" , 恭喜晒 !!
講開呢位社長 , 上次去 "大間" 果頭 , 亦都曾經見過佢一面 ,
不過就係電視上面 , 節目講佢誓要投到日本一 ,
結果出了史上最高價 1億5千萬Yen ,
今年又投到 , 不過就慳番一大截 , 認真抵玩 . ^^
而果條日本一 , 重230公斤 , 從 "青森縣" 大間港捕獲 ,
"大間" 果度確係吞拿魚既福地 , "吞拿 vs 鐵拳" 果然名不虛傳 .
其實日本一既情況 , 同 "香港" 有D相似 , 相信好多 "日本人" ,
都唔妥 "香港人" 炒貴晒D吞拿魚 , 而我地 "香港人" , 就唔妥
"大陸人" 黎 "香港" 乜都炒貴晒 , 我諗 : 如果D "大陸人" 走晒 ,
相信 "香港" 乜鬼野價格都會大幅回落 , 希望有呢一日啦 .
Bye Bye !
無記錯投呢家野要日本人,日本公司,上次俾rickyさん經日本代理投咗,攞哂彩,架仔緊係唔多喜歡,跟住都無人肯做25仔幫佢投。
回覆刪除其實有數得計,佢攞錢去投,拎返香港切開賣,一定無得輸,仲可以響哂朵,通街都識佢。
不過最差就係,當年311,佢第一個出來話餐廳唔係用日本食材,吹脹?!
(個人意見,我一向都唔幫親佢)
其實我都唔係咁多機會幫襯 "鄭生" ,
刪除多數都係幫襯 "百佳" 或者 "爭鮮" . ^^
食百佳,真係不如食爭鮮。
刪除或者去AEON。
AEON冇乜分店 , 前兩者屋企附近都有 ,
刪除我覺得百佳質素好DD .
sogo 正D喎 ^^
刪除百佳,可能你指Taste或者Fusion?
刪除唔經返工地點 , 即使買番屋企 ,
刪除都唔係咁多機會 , 無辦法啦 . XD
荷里活廣場果間百佳 , 唔知係Taste還是Fusion ?
刪除我都唔鍾意幫親"鄭生", 唔鍾意佢上電視個樣, 仲有同埋去日本嗰個女主持, 口話好味但表情就好似叫佢食緊"A"咁.
刪除Yeah, 大小姐,咁哂key.
刪除以前睇過報導,話早前第一桶金,係開日式pancake店,開咗十幾間,不過少少downturn(03,04年),就即時全線結業唔做,在商言商,無可厚非,不過跟佢揾食果D點算?
睇黎大家對 "鄭生" 都好多牙齒印喎 . ^^
刪除小姐, d強國人話無佢地, 香港人連c都無啖好食 ^^ 仲講食日本一 ^^
回覆刪除其實呢個問題都幾複雜 , 有D類似養鬼仔 , 起初幫到手事事如意 ,
刪除總有一日會反面 , 掉轉鎗頭黎整番自己 , "香港" 依家就中到正一正 .
簡單D講就係撩鬼攞命 . >_< !!
小姐,”鬼仔“你指係”年青外國男子“,定係泰國果D?
刪除講得 "養鬼仔" 呢D邪野 , 十居其九都係講 "泰國" 果D啦 . XD
刪除小姐睇鬼戲睇得太多 ^^
刪除鬼戲都好鍾意睇架 . Yeah !
刪除睇戲就無所謂,聽聞時下年青人,好喜歡親身玩呢味野。
刪除我都唔再年青咯 . haha...
刪除而恐怖片之中 , "凶榜" 都算係經典 . ^^
我覺得最經典係驅魔人.
刪除已前電影會喺電視買廣告, 小學時代有一套恐怖片最後最後果句: 雨水化墨汁. 核突到作嘔. 上習字堂時我對隔離個女同學有時會講呢向對白 ^^
我細個最驚睇明珠,唔記得名,講隻有野嘅洋娃娃,夜晚周圍行,大開殺界。
刪除睇完唔敢瞓。
之後見過幾套翻拍/重拍,都拍唔到果個效果。
コーさん : 唔通係 "娃鬼回魂" ?
刪除t : 你隔離位個同學唔係邪靈附體呀嘛 . haha ...
刪除應該都係“娃鬼回魂”,之後果幾集就無咁驚喇。
刪除http://darkelroy.pixnet.net/blog/post/93357450
刪除無理由,第一集1988年,我都十幾歲,呢D野嚇我唔到。
可能記錯,應該係早多五六年無線拍果D,猛鬼洋娃娃電視電影。
Check 過 wiki , Child's play 系列 1954 已經有 ,
刪除之後係 1972 ... 1988 打後咁拍落去 .
我諗係呢套:http://www.youtube.com/watch?v=JUv2ol-hn9w
刪除幻海奇情 ? 咁都得 ? ^_^ !!
刪除幻海奇情? 已前係歡樂今宵播. 小姐你又睇過^^
刪除唔記得咯 , 不過見到 コーさん 提供既 youtube 短片 ,
刪除覺得好好奇唶 . ^^
日本d輻射水仲倒緊落海,咁大條魚,會不會吸左好多輻射gar?>_<
回覆刪除唔敢包架 , 自己衡量食唔食得過啦 . ^_^ !!
刪除