2014北海道11天自駕遊D6-10層雲峽溫泉 朝陽リゾートホテル 晚餐篇

Hello !

上回講到在旅館參觀房間 , 攪掂即刻落去食晚餐 , 

尋晚講過呢度既晚餐相當之利害 , 總之係飽死冇命賠果隻啦 . 

而今次晚餐類型同早幾晚 北湯沢温泉郷 如出一轍 , 

我有D懷疑佢地係同一個集團 , 否則又點會似得咁交關 .

話時話 ~ 打後仲有兩晚旅館係呢類自助餐形式 , 撞正我呢類捨命陪君子既性格 ,

正式係餐餐都飽到嘔血咁滯 , 認真攞命 ! haha ...

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

今次同上次一樣 , 將相片傾巢而出 , 不過未必係食物之全部 ,

間中有所遺漏都唔定 , 千祈唔好用佢黎釐定幫唔幫襯呢度既指標 .

好 ~ 講左咁耐 , 一於開始 , 落到下面交飛入場 , 果陣係晚餐高峰期 , 

D人好似禾雀亂飛咁 , 難以入位影相 , 唯有食住等啦 .  ^_^ !!

第一轉 , 啤一啤佢 , 呢度咁多野食 , 一於飲大佢啦 .

食左都幾耐下 , 叫做有D人散席 , 可以出去做野 .

呢度放碟及托盤 .

仲有小碟 ~ 筷子 & 刀叉 .

今晚主打 , 蟹腳 .

三文魚 , 正 !

吞拿魚 .

帶子 . (切到細細粒)

ちらし寿司 .

天婦羅等炸物 .

燒帶子 .

唔知炸乜野餅 ?

炸雞 & 肉丸 .

好似又係雞肉 .

乜野黎既呢 ? 唔通係芝士 ... (唔記得咯)

呢樣正呀 , 唔知叫陶板燒定係鐵板燒 ? 總之好好玩 .

仲有火鍋 , 分別係溪谷鍋 & 北海鍋 .

咪即係打邊爐 , 自己執料啦 .

湯底 .

漬物 .

蕎麥麵 .

白飯 .

あさりの酒蒸し .

雜菜類 .

沙律醬 . (果陣已經係尾聲 , 冇再加料)

丸子甜品 .

白色呢味好正架 .  ^^

蛋糕甜品 .

其他甜品 .

呢味又係唔錯 .

生果 .

味噌汁 .

咖啡 .

水 & 果汁 . (不過冇乜貨剩)  XD

杯 .

軟雪糕機 , 呢味超讚呀 .

邊度有得彈架 . haha ...

襯D人散晒 , 黎番張全景圖 .

整多張添 .

食左幾輪之後 , 終於黎到甜品 & 咖啡 .

清晒 .

講開又講 , 唔係個個都好似我咁 , 拎得上檯既食物 , 

清倉度達百份之95以上 , 下圖就係其他人走既時候影 ,

蟹腳又剩 , 豆類又剩一大碟 . (係咪我要求過高呢 ?)

攪掂 ~ 走得 ! 真係飽到啊媽都唔認得 .  =_= !!

返上房休息兼睇電視等浸溫泉 .

Bye Bye !