Hello !
上回講到再一次在 黑門市場 飽餐一頓 ...
食完之後過隔離 ビックカメラ 參觀 , 呢度上次已經想黎 ,
可惜礙於時間不足而放棄 , 今次可以慢慢行 ,
策略係由最高果層開始 , 再逐層咁掃落黎 , 果度D電器好鬼死新款 ,
雖然多數都唔適用於香港 , 不過齋睇都好開心 , 正式係唔買都黎睇下 .
其實都有幾款心水產品想買 , 之但係價錢比香港貴小小 ,
冇乜必要在果度買 , 所以最終都係忍手算數 . =_= !!
ビックカメラ 今次都冇影相 , 搵番上次果張頂檔 . XD
(可惜裡面唔可以影相 , 否則必定影餐勁既)
唔覺唔覺都行左幾近兩粒鐘 , 過番去車站果邊 .
氣溫14度 , 行街當運動 , 依家呢個溫度就OK .
跟住落黎就係今日既重頭戲 , 亦即係上次浸得唔多痛快既
スパワールド世界の大温泉 . 雖然可以搭地鐵 , 不過都係飛的好D ,
又唔係差好多錢 , 搭的士舒服好多 . ^^
果度既日文點講呢 ? 我當然唔識啦 , 都係靠部手機 , 將部手機交俾佢睇 ,
正常既情況一睇就明 , 點知佢都要查野 , 唔通係新入行 ?
上次有冇講過 , 大阪的士 680Yen 起錶 .
好快就到步 , 今次係在 通天閣 落車 , 剛剛 1000Yen .
塔底都有圖案 , 上次睇漏左 . 色彩夠晒鮮艷 , 讚呀 .
排晒大隊既食店 , 賣乜野既呢 ? 淨係知個 串 字 , 唔通係魚蛋 . haha ...
人力車 ~ 係裝飾還是真係載客既呢 ?
肥貓一隻 . XD
真係神社還是食店黎架 ? 攪到疑幻疑真咁 .
行左一段 通天閣本通 , 後面就係目的地 .
呢張好有 大阪Feel , 我鍾意 . (條雞泡魚好搶鏡) ^^
食完個早餐都隔左幾粒鐘咯 , 午餐到 .
就在 大阪國技館跡 呢度開餐啦 .
呢張可以解釋到呢度既來龍去脈 . (如果識睇既話)
食完 ~ 影埋呢張就上去 .
果陣大約兩點鐘 , 起碼到夜晚七點至走 , 即係話浸足佢5粒鐘 .
(當然會有中場休息時間) 今次真係乜仇都報晒 , 過足癮 . Yeah !!
地下D裝飾都充滿藝術Feel .
又係買飛入場 , 基本票價 大人1200Yen .
又係同上次一樣 , 交飛俾佢之後 , 佢俾兩條手帶你 .
一條要黎消費 , 一條係Rocker , 擺對鞋入地下既鞋櫃就可以搭電梯上去 .
呢度係 岩盤浴 專用 .
樓上仲有幾層 .
樓下 ~ 即係交飛果度 .
呢度係咬腳魚仔 , 要另外收費 .
32度水溫 , 好舒服咁喎 , 不過我唔係好頂得順果種感覺 , 所以冇幫襯 .
浸左一輪之後 , 黎到中場休息時間 , 聽到樓下殺聲震天 ,
梗係要落大堂睇下啦 , 原來有班妹妹仔在開Show .
載歌載舞 , 睇到班 電車男 如痴如醉 , 好投入呀 . ^^
估唔到又唱得幾好喎 , 話唔定 AKB48 都係咁樣發掘出黎 . haha ...
散場之後黎個影相會 , 不過 ~ 小心有變態Fans混入 , 自己執生啦 .
派傳單既妹妹仔 , 青春無敵 ~ 好羨慕既呢 . ^_^ !!
諗住飲番支鮮奶黎補充水份 , 點知又係酸酸地果隻 , 失敗 . >_< !!
酸奶一支 550Yen .
呢度原來亦係酒店 , 剛剛先至知 , 電梯係上房 .
跟住介紹食堂 , 上次幫襯過既拉麵店 .
仲有其他正野 , 好似爐端居酒屋 .
風月 ~ 個名令人充滿暇想 . XD
西式飯店 .
如果嫌重手得滯 , 仲有其他輕食 .
軟雪糕 .
刨冰 .
我都整番個軟雪糕 , 抹茶味 . 380Yen
好正呀 ~ 唔會太甜 . (個個都坐硬地休息 , 好悠閒)
嫌地硬既話 , 隔離有軟座 .
中場休息回過氣後 , 再浸埋個下半場 , 今次真係大滿足 .
浸到甩皮甩骨 , 終於都要離開 , 換好衫之後 , 落樓下埋單 ,
呢幾部係自助精算機 , 用法好簡單 .
首先按下個螢幕綠色部份 , 揀幾多條手帶 .
之後呢個口會打開 , 放條手帶入去就得 .
計好數後 , 如果有消費既話 , 隔離入口俾錢 , 呢度係找錢位 .
之後出張飛俾你 , 走果陣交俾門口過機 .
出番黎已經天黑 , 正式係天光浸到天黑 . ^^
下一站就係食晚餐 .
今晚明珠台 Heroes 勁緊張 , 攪到晏晒 . Sorry .
Bye Bye !
沒有留言:
發佈留言
歡迎光臨 , 如果時間許可 , 請留番個言丫 ~