2011北海道10天雪地自駕遊(修訂版)D3-3宗谷岬篇

Hello !

上回講到離開 "大沼" 之後 , 繼續向 "宗谷岬" 進發 .

由 "稚內" 往 "宗谷岬" , 基本上只係得一條路 , 如果唔係自駕遊 , 

可以搭巴士去 , 需時大約 50分鐘 , 不過就冇隨時落車影相既優勢 .

咦 ! 呢度好景喎 , 落車影相咯 .  ^_^ !!

擺好部車先 .

巴士站 , 一日有四班車前往 "宗谷岬" .

前面又有風車山 .

有幾艘漁船停泊嚮度 , 型呀 !

呢度係海邊 , 有興趣可以落去游水 , 冬泳精神呀 . haha ...

只要有凹位 , 就可以停低部車落去影相 ,不過數日後 "知床" 果頭 , 

就算冇凹位都要夾硬停在路邊打死火燈落車影相 .

(因為果度實在太吸引)

行行重行行 , 終於到目標  , 見唔見中間個三角銼 ?

落車第一個目標係 "間宮林藏" , 有乜典故可以立像呢 ?

呢座 "三角銼" , 係頭號影相目標 ,

唔影呢個唔好話俾人知黎過 "稚內" ~ "宗谷" 呀 .

日本最北端の地 .

  

行過右手邊有塊石碑 .

"宗谷岬" , 對面就係 "俄羅斯" .

再行過右小小 , 有兩舊大石 , 中間有琴譜 ,

平時冇聲架 , 只要有人行過 , 就會發出音樂聲 .

呢度行落海 , 又唔係碼頭 , 點解會有樓梯既呢 ?

唔通歡迎偷渡客上岸 ?  XD

Zoom盡佢 , 真係望得到 "俄羅斯" .

再返回 "間宮林藏" 石像 , 經過上次 "弁慶岬" 之後 ,

發現通常石像後面都有野講 .

今次都唔例外 , 不過睇唔明 ?

行過對面馬路 , "宗谷岬公園" , 由此路上 .

不過大雪封路 , 只可以人上 , 車唔上得 .

上去之前 , 先去洗手間 .

(呢個唔係最北洗手間 , 對面果個先至係)

攪掂自己果Part先 . 

  

招呼唔到 , 請自便 . haha ...

橫掂有時間 , 不如參觀埋男廁咯 .

  

Yeah !

參觀完畢 , 一齊上去咯 .

Bye Bye !.

2011北海道10天雪地自駕遊(修訂版)D3-2稚內駅篇

Hello !

上回講到首站去 "稚內公園" , 點知積雪封路 , 

唯有轉戰下個目標 , 就係 "稚内駅" .

當時時間係 A.M.9:05 , 夠晒早哩 .

日本最北端 , 稚内驛 !

一齊入去參觀咯 .

小型便利店 , 好多野賣架 .

うどんそば都有 ? 認真多元化喎 .  ^^

最北端の線路 .

隔離有間觀光案內所 .

室內就影住咁多 , 輪到戶外呢Part .

Wow ~ 有部列車泊嚮度 , 一於影餐飽 .

攪掂晒 , 影埋另一邊 , 遠處果間叫 : Hotel dormy Inn .

好多地區都有佢既分店 , Blog友們評分都好高 ,

最重要係有個大浴場 , 早知幫襯呢間啦 .  =_= !! 

又去番 ANA 酒店附近 , 因為部車擺在附近 ,

免費位 , 係偏遠小小架喇 .

搵番部車 , 即刻出發往下一站 "大沼" .

洋服の青山 , 呢度都有分店 , 勁 !  (在 "函館" 見過一次)

當時用了一半油有多 , 諗住去到 "最北之油站" 入油 ,

順便拎埋張入油証書 . Yeah !

有 "差佬" 呀 ,  唔好超速住 , 更加唔好爬佢頭 .  ^_^ !! 

  

話咁快就到 , 諗住好多天鵝 , 點不知 ...

    

呢度大興土木 , 搵條鵝毛都難 .

  

成個沼結晒冰 , 應該係揀錯季節掛 ?

  

原本係咁樣 , 好多鳥類棲息 .

頭先部警車都係泊呢度 .

如果冇估錯 , 應該係旅遊中心 .

又一部警車駛入 , 攪咩呀 ? 蛇王勝地 ?

  

遠處又有風車山 , 一陣會經過果度 .

睇多一陣 , 離開冇天鵝既 "大沼" .

  

下一站係 "宗谷岬" .

Bye Bye !

2011北海道10天雪地自駕遊(修訂版)D3-1ANA酒店早餐篇

Hello !

第3日 ~ 2011年1月28日 , 星期五 .

上回講到介紹完GPS之後返酒店 , 睇多一陣電視就休息 , 

因為聽日要踩落 "紋別" , 將會係一場火併 .

一宿無話 , 踏入第三日 , 今晚終於有溫泉浸 , 

不過攪掂晒日間行程先講 , 打開窗簾 , 日出喎 ~ 好靚呀 !

呢座怪怪地既建築物就係 : 稚內市溫水游泳池 ~ 水夢館 .

呢度已經係最北 , 個海面就冇結冰 , 

反而 "紋別" 及 "網走" 果頭個海面結晒冰 . Why ?

早上的 "防波堤" .

日出光滿天 , 路邊有一間旅店 , 名後悔

店中只有漆黑 , 找不到光輝 , 明天 ...  (一齊唱丫)

影到差D唔捨得走咁滯 .

欣賞完日出就出去食早餐 .

室內氣溫21.3度 , 相對濕度百份之30 .

早餐地方細細地 , 而且人小小 , 咁樣先至Prefect  ,

太多人又唔得 , 自己一個又太寡 , 真係刁鑽 .  XD

我一向以 "西式" 早餐為主 , 何以會有碗飯擺度呢 ?

因為揀早餐果陣 , 有位服務員問白飯OK嘛 ? 

所謂 : 盛情難卻 , 就要碗啦 . (平時甚小晨早食飯) 

咦 ~ 珍珠米 , 好似做壽司果D , 夠晒粘性 , 唔錯 ~ 果然好介紹 !

  

極速食完上房執野 Check out ,

Bye Bye 喇 , "稚內 ANA 全日空酒店" ,

有機會黎 "稚內" 一定再探妳 . (不過唔知幾時)

酒店大門 , 攪乜野呀 , 個頂凹既 ?

停車場就在正門外 , 遠處係 "防坡堤" .

好彩冇乜落雪 , 唔駛點清理 .

見過有Blog友既車 , 早上變成雪糕車咁 , 有排清理 .

側邊污糟小小 , 唔抹住咯 .

第一個景點係 "稚內公園" , 不過封了山路 , 

一早就食閉門羹 . "皚皚白雪" 唔係唔好 , 

不過好多地方都封路 , 所謂 : 針冇兩頭利 , 就係咁解 .

唯有去下一個景點 , 中途經過 Toyota "稚內店" .

咦 ? 租車定賣車 , 唔通租完拎出黎賣 ? 

Vitz 只售68.2萬Yen .

下一個景點就係 "稚內駅" .

Bye Bye !.