2016/02/25

2016北海道雪駕遊D1-5 千歳市防災学習交流センター篇A




Hello !


上回講到在 Rera outlet 裡面睇野 , 睇到午餐時間 ...

上篇俾小頭兄估中我食拉麵 , 冇錯 ~ 就係去西餐部隔離既千歲拉麵博覽會 , 

所謂千歲拉麵博覽會 , 即係集好多間拉麵店於一身 , 

然後由客人選擇自己喜愛既拉麵店 . (類似札幌既拉麵共和國咁啦)

入去睇下咯 .  ^_^ !!


北之麵物語 .


拉麵櫻島 .


蝦千 .


其實間間都差唔多 , 點會睇得出邊間好味D ? 都係是但一間 , 

睇下邊間投緣就入去幫襯 , 唔 ... 就呢間啦 .


有辦你睇 , 就叫有蛋果味啦 .


如果唔係要開車 , 一定啤啤佢 .   =_= !!


話咁快就到 , 相機食先 . haha ...


食完埋單再行多陣 , 裡面係乜野呢 ?


原來係兒童樂園 .


休息地帶 .


仲有洗手間 , 去埋都差唔多咯 , 要去下一站 .

結果在Outlet乜野都冇買 , 有D入寶山 , 空手回Feel .  XD


地下只係濕而冇雪 , 啱晒 ~ 

因為我正在熟習部車當中 , 起碼唔駛兼顧埋雪地 .


慢慢上番手 , 在燈位得閒可以影相添 .


又一個燈位 .


下一個景點唔駛好耐車程就到 , 就在附近 .



呢個交流中心 , 係教你應付各式各樣既災難 , 

在日本 ~ 最起碼都要識得點應對地震 , 大吉利是遇到都唔會騰晒雞 .

迷你消防車 , 幾過癮喎 .  ^^


首先展示既係舊式消防產品 .


古董消防衣 .


呢件唔通係江戶時代 ? haha ...


呢邊果D可以試穿 , 不過咪攪 .


搭電梯上3字 .


牆身寫滿救災戰績 , 1739年 樽前山大噴火 . 


1959年 台風15號 (伊勢灣台風) , 比較近代D .


1993年 釧路沖地震 .


2011年既3.11東日本大震災 , 依家都仲歷歷在目 .


消防車規格介紹 .


仲有其他車 , 包括白車 , 化學消防車 ...


消防 Q&A , 問都唔知佢問乜 , 又點會識答呢 ?  XD


睇住上集先 , 仲有下集架 , 聽晚見 .

Bye Bye !



2 則留言:

  1. 夜碼碼整個咁正既拉麵出來, 攪到我餓餓地.

    PS : 答中有無獎品呢哈哈

    回覆刪除
    回覆
    1. 唔好話你 , 連我都俾佢攪到餓餓地 , 整番個福麵算數 .
      答中冇獎 , 因為你太過了解我 . haha ...

      刪除

歡迎光臨 , 如果時間許可 , 請留番個言丫 ~